18 ноябрь беҙҙең гимназияла Мишкә ауылының 2-се урта дөйөм белем биреү мәктәбенән килгән ҡунаҡтар өсөн асыҡ дәрестәр үткәрелде. 5-се класс уҡыусылары туған башҡорт теле дәресендә Башҡортостаныбыҙ тураһында белемдәрен тәрәнәйттеләр. Уҡыусылар үҙҙәренең Тыуған илгә һөйөү һәм хөрмәт тойғоларын шиғыр, мәҡәл, йыр, бейеү, уйындар аша күрһәттеләр. Дәресте гимназияның башҡорт теле һәм әҙәбиәте уҡытыусыһы Әмирова Айһылыу Камил ҡыҙы бик йәнле һәм үҙенсәлекле итеп үткәрҙе.
